Белгечләр смартфонны төнлә сүндерергә куша

Аккумулятор озак хезмәт итсен өчен, смартфон төнлә «йокларга» тиеш. Кушылган мобиль интернет өч-дүрт ел элек чыккан җайланмага зыян китерергә мөмкин, дип белдерде «Прайм» агентлыгына Россия технология университетының «Интеллектуаль мәгълүмати иминлек системалары» кафедрасы доценты Евгений Кашкин. Бу хакта РИА Новости агентлыгы хәбәр итә.

«Моннан тыш, әгәр Wi-Fi челтәре буенча мобиль кушымталарны яңартуда махсус көйләгечләр урнаштырмаган булсагыз, смартфон нәкъ менә төнлә мобиль интернет аша аларны йөкли башлаячак», — дип кисәтте белгеч.

Кашкин билгеләп үткәнчә, гаджет хуҗалары төне буена мобиль трафик пакетының сизелерлек өлешен сарыф итеп бетерергә мөмкин.

Моннан тыш, бу вакытта смартфон кызарга, шулай ук аккумуляторның геометриясе үзгәрергә мөмкин, дип өстәде белгеч.

Чыганак

Фото: pixabay.com