Күзәтчелек эшчәнлеге хезмәткәрләре Алабуга мәктәпләрендә дәрес үткәрде 

Алабуга муниципаль районы буенча Күзәтчелек эшчәнлеге һәм профилактика эшләре бүлеге хезмәткәрләре янгын куркынычсызлыгы буенча чаралар уздырды. Мәгариф учреждениеләрендә эшләүчеләр белән инструктаж, шулай ук шәһәр мәктәпләрендә тормыш иминлеге нигезләре буенча дәресләр үткәрделәр.

«Мәктәпләрдә укытучылар коллективы һәм укучы балалар белән квартал саен алып барыла торган дәресләр аркасында, мәктәпләрдә эвакуация күнегүләре оешкан төстә үтә, мөгаллимнәр үз бурычларын белә», — дип хәбәр итәләр ведомствода.