Татарстанда яшенле яңгыр һәм көчле җил көтелә

Иртәгә, 22 майда Татарстанда янә һава шартлары начарлануы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге кисәтә.

Шимбә көнне урыны белән республика территориясендә яшенле яңгыр булырга мөмкин. Шулай ук секундына 15-20 метрга кадәр тизлектә көчле җил булачак. Көндез урыны белән боз яварга мөмкин.

Метеорологларның якынча мәгълүматлары буенча, иртән һәм көндез төбәкнең кайбер районнарында яңгыр яварга мөмкин.