Татарстанның күпфункцияле үзәкләре май бәйрәмнәрендә дә «Путин түләүләре» нә гаризалар кабул итәчәк

8 яшьтән алып 17 яшькә кадәр бала тәрбияләүче аз керемле гаиләләргә ай саен бирелә торган түләүләр өчен гаризаны вакытыннан алда тутырырга мөмкин булачак. Бу хакта РФ Хезмәт министрлыгына сылтама белән Татар-информ хәбәр итә.

Ведомство искәртүенчә, гариза 10 эш көне эчендә каралачак. Мөрәҗәгатьне соңрак та бирергә мөмкин. Гаризаны 2022 елның 1 октябренә кадәр тапшырганда түләү апрель аенда балага сигез яшь тулса, 1 апрельдән бөтен чорга кайтарылачак.

Шул ук вакытта гаризаны вакытыннан алда тутыру аны карау вакытына тәэсир итми.

Яңа түләүгә гаризалар кабул итү өчен КФҮ (МФЦ )офислары 1 майдан 10 майга кадәр ял көннәрсез эшләячәк.