Узган атнада Алабуга районында дүрт янгын булган

17 июльдә 75 нче янгын сүндерү бүлегенә торак йорт януы турында хәбәр килә. Янгынның сәбәбе: электр җиһазларының төзексезлеге. Икенче көнне, 18 июльдә, янгын сүндерүчеләр бакча йортын уттан коткара. Янгынның сәбәбе шул ук.

21 июльдә Алабуга районында ике мунчага ут каба. Сәбәбе — мунча мичен төзегәндә янгын куркынычсызлыгы кагыйдәләрен бозу.

Бәхеткә, янгыннарда һәлак булучылар һәм зыян күрүчеләр юк.