Узган атнада Алабуганың ашыгыч ярдәм бригадалары 675 тапкыр юлга чыккан

Узган атнада, 11 декабрьдән 17 декабрьгә кадәр, Алабуга үзәк район хастаханәсенең ашыгыч ярдәм бригадалары кешеләрнең тормышын саклап калу өчен, 675 тапкыр юлга чыккан, шул исәптән, 182 тапкыр алар балалар янына ашыккан.

4 юл-транспорт һәлакәте теркәлгән, аларда 6 кеше зыян күргән. Миокард инфаркты белән кабул итү бүлегенә 3 кеше китерелгән, 5 кешене инсульт белән хастаханәгә салганнар. 238 кеше, шул исәптән 130 бала, респиратор авырулардан зарланган.

Ашыгыч ярдәм бригадаларын узган атнада 50 тапкыр бер сәбәпсез чакырганнар.