341 меңнән артык татарстанлы 2026 елга төзекләндерү объектларын сайлады

Татарстанда 341,6 мең кеше 2026 елга төзекләндерү объектларын сайлау өчен тавыш бирде. Тавыш бирү 12 июньгә кадәр gorodsreda.tatar.ru яки «ТР хезмәтләре» кушымтасы аша бара. 14 яшьтән өлкәннәр катнаша ала.

«Шәһәр мохите» проекты кысаларында бөтен Россия буенча 13,5 млн кеше катнашкан. Татарстанда 283 иҗтимагый территория (парклар, скверлар) һәм 200 ишегалды төзекләндереләчәк. Чирмешән, Балык Бистәсе, Мамадыш, Тәтеш, Әлки һәм Яшел Үзән районнары халкы аеруча актив булды.

Проектлар «Уңайлы шәһәр мохите» федераль программасы һәм «Безнең ишегалды» республика программасы кысаларында тормышка ашырылачак.