Айдар Фатыйхов Алабуга «Таттелеком» җитәкчесе вазифасыннан китте

Бүген Алабуга районы хакимиятендә үткән атналык планеркада кадрларда булган үзгәрешләр турында игълан ителде. Билгеле булганча, «Таттелеком» компаниясенең җирле бүлекчәсе җитәкчесе Айдар Фатыйхов вазифасыннан китә.

Алабуга районы башлыгы аның эшен югары бәяләде. Айдар Фатыйхов җитәкчелек иткән чорда шәһәрдә һәм районда видеокүзәтү системасы шактый киңәйтелгән: камералар саны 60 тан 330 берәмлеккә кадәр арткан. Бу җәмәгать тәртибен контрольдә тотуны көчәйтергә мөмкинлек бирә һәм җинаятьләрне ачуда мөһим инструмент була. Шулай ук компания аның җитәкчелегендә иске агач элемтә баганаларын сүтү буенча зур эш башкарган.

«Таттелеком» эшенең нәтиҗәлелеген күтәрүгә керткән зур шәхси өлешен, югары һөнәри осталыгын һәм намуслы хезмәтен дә кертеп, Айдар Мансур улы Фатыйховка Алабуга муниципаль районы башлыгының мактау грамотасы тапшырылды.

Район башлыгы Айдар Фатыйховка һөнәри эшчәнлегендә уңышлар теләде. Шулай ук планеркада «Таттелеком» ның җирле бүлекчәсенең яңа җитәкчесе тәкъдим ителде, ул якын арада вазыйфаларын башкаруга керешәчәк.