Ак Барс Банк клиентларына карталарыннан алынган акчаларны кире кайтарган

Ак Барс Банк үз клиентларына карталарыннан кабат алынган акчаларын тулысынча кире кайтарган. Бу хакта “Татар-информ” мәгълүмат агентлыгы хәбәр итә.

“Техник төгәлсезлекләр бетерелде һәм 7 май кичендә үк акчалар счетларга тулы күләмдә кире кайтарылды”, – дип белдерделәр банкта.

Шулай ук дистанцион хезмәт күрсәтү системалары – интернет һәм мобиль банк эше торгызылган.

Исегезгә төшерәбез, элегрәк техник төгәлсезлекләр аркасында Ак Барс банкы клиентларының карталарыннан акчалар алынган, дистанцион хезмәт күрсәтү системалары эшендә дә өзеклекләр килеп чыккан иде.