Алабуга Җәмигъ мәчетендә узган елга нәтиҗә ясалды

Узган атнада Алабуга Җәмигъ мәчетендә узган елга нәтиҗә ясау җыелышы булды. Җәмигъ мәчете имам-хатыйбы Хәлим хәзрәт Шәмсетдинов 2025 елда мәчет эшчәнлеге буенча төп юнәлешләрне билгеләп үтте.

Хәлим хәзрәт шәһәрнең баш мәчетенең фасадын ремонтлау эше турында сөйләде һәм 2026 елда төзекләндерү эшләрен дәвам ителәчәген ассызыклады. 

Быел мәчет коймасын төзекләндерү һәм эчке бизәлеш яңартылачак. Хисап җыелышы вакытында дизайн-проект эскизлары да тәкъдим ителде.

Мәчет эшчәнлегендә барлык мәхәллә халкы һәм битараф булмаган алабугалылар катнаша. Җыелышта актив мәхәллә әгъзаларына бүләкләр тапшырылды.

Мөхтәсибәтнең матбугат хезмәте хәбәр итүенчә, җыелышның икенче өлешендә, Җәмигъ мәчетенең рухи үсешенә һәм кыйммәтләрен ныгытуга зур өлеш кертеп, инде вафат булган хәзрәтләр һәм абыстайлар искә алынды. Алар рухына изге Коръән сүрәләре укылды һәм дога кылынды.

Фото: vk.com/islam_v_elabuge