Алабуга балалар бакчаларында тәрбиячеләрнең әйберләрен урлаучыны тапканнар

Алабуга полиция хезмәткәрләре шәһәр балалар бакчаларында серияле урлау кылган каракның шәхесен ачыклады, әмма хәзергә ул әле тотылмаган.
Тәртип сагында торучылар сүзләренә караганда, җинаятьче - ир-ат, күрше шәһәрдә яшәүче, әфьюн куллану белән җәфа чигүче. Явыз ниятле бәндәнең кайда яшәвен полиция хезмәткәрләре аңлы рәвештә әйтмиләр: карак качар дип шикләнәләр. Версияләрнең берсе буенча угрының исәбендә башка шәһәрләрдә кылынган тагын шундый берничә урлашу очрагы булырга тиеш.
Исегезгә төшерәбез: 24 сентябрьдә Алабуга балалар бакчаларында өч урлау очрагы булган иде, аларның барысы да көннең икенче яртысында кылынган. Җинаять корбаннары бакча тәрбиячеләре иде. Явыз ниятле карак бертөрле сценарий буенча эш итә: тәрбияче балалар белән урамда йөргәндә, угры, төркемгә кереп, мөгаллимәләрнең сумкаларын, банк карталарын һәм шәхси әйберләрен кулга төшерә.
Тикшерү дәвам итә. Хәзер полиция каракның кайсы урында булуын ачыклый.