Алабуга Дәүләт автоинспекциясе «Бала — төп пассажир» акциясен уздырды

«Бала — төп пассажир» оператив-профилактик чарасы кысаларында ЮХИДИ хезмәткәрләре машина йөртүчеләр белән аңлату эшләре үткәрделәр.
Автомобильчеләргә машинада балалар өчен җайланмаларны куллануның мөһимлеге, автокреслоларны сайлау һәм дөрес урнаштыру кагыйдәләре турында искә төшерделәр. 

Яшь пассажирларга, автокреслода йөрүче һәр балага, юл йөрү кагыйдәләре язылган дәфтәрләр тапшырылды.

Рейд барышында инспекторлар балаларны йөртү таләпләрен бозган ике машина йөртүчене ачыклаган. Аларга карата РФ КоАП 12.23 маддәсенең 3 өлеше буенча административ материаллар төзелде (балаларны машинада йөртү кагыйдәләрен бозу).