Алабуга Дәүләт автоинспекциясе хезмәткәрләре машина йөртүче хатын-кызларны котлады

Бүген хатын-кыз машина йөртүчеләрне шәһәр юлларында күңелле сюрприз көтә иде. 8 Март алдыннан юл хәрәкәте инспекторлары хатын-кызларны чәчәкләр белән каршы алды.

Әлеге социаль-профилактик акция ел саен үткәрелә. 

Юл инспекторлары автомобиль йөртүче хатын-кызларга чәчәкләр һәм котлау открыткалары бүләк итте, язгы кәеф, бәхет һәм иминлек, куркынычсыз юллар теләде.

Дәүләт автоинспекторлары ашыгыч ярдәм бригадасы хезмәткәрен һәм маршрут автобусындагы пассажирларны да игътибарсыз калдырмады.