Алабуга госпиталендә коронавирустан дәваланучылар өчен койкалар санын арттырдылар

Алабуганың Covid-госпиталендә палаталар яңадан пациентлар белән тулган. Табиблар өстенә яңадан зур авырлык төшә. 

30 сентябрьгә алынган мәгълүматларга караганда, Алабугада 24 056 кеше вакциналаштырылган, бу халыкны вакцинацияләү планының 45,26% ын тәшкил итә. Алабуга госпиталендә урыннар саны 100 койкага кадәр арттырылган, дип хәбәр итәләр Алабуга район үзәк хастаханәседә.

Хәзерге вакытта госпитальдә 94 пациент дәвалана. Кичә генә анда 20 кешене дәвалап чыгарганнар, һәм шул ук көнне янәдән шулкадәр үк пациентны кабул иткәннәр. Узган көндә ОРВИ билгеләре булган пациентларны кабул итү буенча амбулатор үзәккә 186 кеше мөрәҗәгать иткән.