Алабуга язгы ташуга әзерләнә

Алабугада язгы ташуга каршы чаралар актив үткәрелә. Яңгыр суларын чистарту, күперләр янындагы суларны ачу һәм карны чыгару эшләре алып барыла. Коткаручылар мәгълүматы буенча, Тойма елгасы янында урнашкан 19 йорт су басу ихтималы зонасына эләгә. 

Язгы ташу һәм бозлавык чорында тыела: 

сулыкларга чыгу; 
боз китү чорында елга аша чыгу; 
боз тыгылган урыннарда елгага якын килү, 
ташкынга якын һәм ишелергә торган текә ярда басып тору; 
боз бөкеләренә якынлашу, 
бозларны ярлардан этеп җибәрү, 
елганың яисә теләсә нинди сулыкның тирәнлеген үлчәү, 
бозларда йөрү һәм аларда шуу.