Алабуга ипподромында Сабантуй алдыннан зур төзекләндерү эшләре бара

Алабугада шәһәр ипподромын төзекләндерү эшләре дәвам итә. Сабантуй бәйрәменә биредә төп бина яңартыла: монда стеналар һәм цоколь җылытыла, шулай ук бинаның ике ягындагы түбә алыштырыла.

Ипподромның тышкы кыяфәтенә аерым игътибар бирелә. Фасадны традицион татар орнаментлары бизәячәк, ә шпилендә ат сыны куелачак. Бу элементлар милли колоритны ассызыклап торачак һәм комплексны тагын да матуррак итәчәк.

Ипподром кунакларны яңартылган килеш каршы алсын өчен барлык эшләрне бәйрәмгә кадәр тәмамлау планлаштырыла.