Алабуга җитәкчелеге өмәдә катнашты

Санитар-экологик икеайлык кысаларында Алабугада өмәләр узды. Өмәгә шәһәр һәм район предприятиеләре һәм оешмалары хезмәткәрләре, битараф булмаган гражданнар, волонтерлар һәм активистлар чыкты. Шәһәр җитәкчелеге дә территорияне җыештыруда актив катнашты.

Төзекләндерү идарәсе көче белән чүп җыю һәм чыгару оештырылды. Идарә хезмәткәрләре хәбәр иткәнчә, шәһәр һәм район буенча чүп-чар бик күп җыелган, җыелган чүп капчыклары этаплап чыгарылачак. Өмәләр 31 майга кадәр дәвам итәчәк.
Шуны да билгеләп үтәргә кирәк, өмә «ЭКОяз 2021» республика акциясе кысаларында үткәрелде, аның максаты — республика халкын табигать саклау эшчәнлегенә мөмкин кадәр күбрәк җәлеп итү.