Алабуга кафесында янгын чыккан, 20 кеше эвакуацияләнгән

Кичә Тынычлык проспектында «Тайфун» кафесы урнашкан бинада янгын чыккан. Вакыйга турында ТР Гадәттән тыш хәлләр министрлыгының матбугат хезмәтендә сөйләделәр. 

Янгын турында хәбәр 4 июльдә 16:29 сәгатьтә кабул ителә. Урынга оператив рәвештә гадәттән тыш хәлләр министрлыгының янгын сүндерү бүлекчәләре килеп җитә. Бинадан 20 кеше эвакуацияләнә. Кафе бинасының тышкы ягында чыбыкның януы ачыкланган.

Янгынны 16:50 дә сүндерәләр. Зыян күрүчеләр юк. Янгын мәйданы 6 квадрат метр тәшкил итә. Сәбәбе ачыклана.