«Алабуга» махсус икътисади зонасы пилотсыз очкыч һөҗүменнән соң штат режимында эшли

«Алабуга» махсус икътисади зонасы штат режимында эшли, дип хәбәр итте Татарстанның Алабуга муниципаль районы башлыгы.

«Җимерелгән объектлар һәм зыян күрүчеләр юк. Хокук саклау органнары урында тиешле чаралар үткәрә», — дип язган Рөстәм Нуриев.

Аның мәгълүматлары буенча, махсус икътисади зонада хезмәткәрләрнең иминлеген тәэмин итү буенча чаралар гамәлгә ашырылган. Шәһәрдә вазгыять контрольдә, куркыныч юк.