Алабуга мотоклублары сәламәтлек мөмкинлекләре чикле балаларга ярдәм акциясе уздырды

«Йолдызлык» мәдәни үсеш үзәгендә «Кояшлы түгәрәк» («Солнечный круг») хәйрия акциясе узды. Аны оештыручылар — Россия мотоклубларының «Ночные волки» һәм «Ночные валькирии» Алабуга бүлекчәләре.

Акция вакытында җыелган барлык акчалар «Игелекле Галактика» хәйрия проектын тормышка ашыруга китәчәк, ул Алабуга һәм Чаллыда мөмкинлекләре чикләнгән балаларның иҗади сәләтләрен ачыкларга һәм үстерергә ярдәм итә.

— Мондый акцияләрне без 2023 елдан бирле оештырабыз, — дип сөйләде «Төнге бүреләр» нең Алабуга бүлекчәсе җитәкчесе Денис Баурин. — «Игелекле Галактика» безнең Татарстанны федераль дәрәҗәдә күрсәтә, һәм без аларның проектларының танылуын телибез. Сүз уңаеннан, быел без эшмәкәрләргә 45 рәхмәт хаты әзерләдек, алар безне хуплады.

Акция барышында мастер-класслар һәм фокуслар, кулдан эшләнгән сувенирлар ярминкәсе, концерт булды. Теләүчеләр аниматорлар белән истәлеккә фотога төшә алдылар.