Алабуга пенсионерларын компьютер курсларына чакыралар

РФ Социаль фонды һәм Россия Пенсионерлар берлеге пенсионерларны курсларда түләүсез белем алырга чакыра. 

Уку өчен түбәндәге юнәлешләр тәкъдим ителә:

— Компьютер грамоталылыгы нигезләре;
— Психология;
— Хокукый белем нигезләре;
— Сәламәт яшәү рәвеше.

Укулар КФУ филиалы университеты каршында узачак. Очрашу 13 февральдә 13.20 сәгатьтә Казан ур., 89 йорт адресы буенча (ЕГПУ бинасы), беренче кат, 12 аудиториядә узачак. Үзең белән паспорт алырга кирәк.