Алабуга пляжы: эскизлар

Алабугалылар күп еллар җәй көне су коену өчен уңайлы урын юк дип зарландылар. Быел пляжда масштаблы эшләр башланды. Монда чиста ком булачак, җәяү йөрү өчен уңайлы баскычлар һәм юллар, киенү урыннары, коткаручылар манарасы, туклану нокталары урнаштырылачак. Проект эскизлары белән Алабуга районы башлыгы Рөстәм Нуриев үзенең телеграм-каналында уртаклашты.