Алабуга пляжында рәсми рәвештә су коенырга рөхсәт ителде

Алабугада су коену сезоны ачылды: җирле пляж уңай санитар-эпидемиологик нәтиҗә алды. Бу хакта Алабуга районы башлыгының матбугат хезмәте хәбәр итте.

Тикшерү су һәм яр буе зонасының дәүләт санитар-эпидемиологик нормаларына туры килүен раслады. Бу — пляжның ял итүчеләр өчен куркынычсыз дигәнне аңлата, һәм хәзер шәһәр халкы һәм Алабуга кунаклары курыкмыйча су коена алачак.

Алабугада су коену өчен бер санкцияләнгән урын бар. Бу — Алабуга шәһәрлеге янындагы яр буенда урнашкан шәһәр пляжы территориясе. 

Исегезгә төшерәбез, Алабуга пляжы 27 июньдә ачылды. Территориядә волейбол мәйданчыгы җиһазландырылган, спорт инвентарен прокатка бирү эшли, ә кечкенә кунаклар өчен заманча балалар мәйданчыгы төзелгән. Ашыкмыйча йөрергә яратучылар төзекләндерелгән яр буен һәм пирсны бәяли алачак, ә тамак ялгарга яки хуш исле кофе эчәргә теләүчеләр уңайлы кофейняда ял итә ала.