Алабуга прокуратурасы хәрби хезмәтне кичектерү мөмкинлеген алу турында аңлатты

Быел хәрби хезмәткә чакыру 1 апрельдән башланды һәм ул 15 июльгә кадәр дәвам итәчәк.

Алабуга шәһәр прокуратурасы Россия Федерациясе кораллы көчләрендә хезмәт итүне ничек кичектереп торырга мөмкинлекне аңлата.
«Хәрби бурыч һәм хәрби хезмәт турында» Федераль закон (№ 53-ФЗ) нигезендә, гражданнарга хәрби хезмәткә чакырылу уку үткән вакытта һәм шулай ук кайбер гаилә хәлләренә карап кичектерелергә мөмкин. 

Мәгариф оешмаларының көндезге бүлегендә һәм дәүләт аккредитациясе булган фән оешмаларында магистратура программасы буенча укучы гражданнар, белгеч яисә магистр дипломы булмаган һәм югары белем алган елны бакалавриат программасы буенча магистратурага укырга кергән кешеләр шундый хокукны күрсәтелгән программаларны үзләштерү вакытына алырга мөмкин, кичектерү вакыты федераль дәүләт мәгариф стандартлары нда, магистратура программалары буенча мәгариф стандартларында югары белем алу вакытыннан да артмаганча каралган.

Хәрби хезмәтне кичектерү гражданга бер генә тапкыр бирелә. Шәһәр прокуроры ярдәмчесе Семен Гришин аңлатуынча, искәрмә булырга мөмкин: хәрби хезмәткә чакыруны беренче кичектерү бакалавриат программасы буенча укуы белән бәйле булган очракта, әлеге граждан магистратура программасы буенча укыганда кабат чакырылышны кичектерү хокукыннан файдалана ала.

Шул рәвешле, бакалавриат програмасы буенча уку йортына кергән очракта, хәрби хезмәткә чакыру кичектерелергә мөмкин. 

Моннан тыш, бакалавр дәрәҗәсе бирелү турында диплом алган елны магистратурага укырга керүченең кабат кичектерү алырга хокукы бар.