Алабуга районы авыл җирлекләрендә яңа башлыклар билгеләнде

Лекарево һәм Танайка авылларында яңа җитәкчеләр билгеләнде. Лекарево авыл җирлеге башлыгы вазифаларын Ирина Гарипова башкарачак. Элегрәк Ирина Гарипова «Нижнекамскнефтехим» компаниясендә эшләгән, анда ул продукциянең сыйфатын контрольдә тоту, яңа технологияләр кертү, шулай ук Россия һәм чит ил компанияләре белән фәнни-техник хезмәттәшлек өчен җаваплы булган.

Танайка авыл җирлеге башлыгы итеп Сергей Вдовин билгеләнде. Гомумшәһәр планеркасында яңа башлыкны вазифага билгеләнүе белән котладылар. Сергей Вдовин 2017 елдан бирле Танайка авылында яши, элегрәк ул «Алабуга» МИЗның берничә предприятиесендә, «Юность» Алабуга спорт мәктәбендә эшләгән.