Алабуга районы башлыгы бизнес-бергәлек белән илкүләм проект кысаларында туризмны үстерү турында фикер алышты

Алабуга районы башлыгы Рөстәм Нуриев җирле эшмәкәрләр һәм Татарстан кече һәм урта бизнес предприятиеләре ассоциациясе вәкилләре белән эшлекле очрашу уздырды. Төп тема күптән түгел булган «Кече шәһәрләр бизнес-форумы» нәтиҗәләре һәм «Туризм һәм кунакчыллык» илкүләм проектын гамәлгә ашыру кысаларында туристлык инфраструктурасын үстерү перспективалары турында фикер алышу булды.

Дискуссиянең төп кунагы һәм актив катнашучысы — АПМСБ президенты Ильяс Нуриев булды. Очрашу тәмамлангач район башлыгы үзенең Telegram-каналында конструктив диалог булуын һәм бизнес-бергәлек белән хезмәттәшлекнең алдагы адымнары билгеләнүен, шулай ук эшмәкәрләрнең идеяләрен гамәлгә ашыру буенча планнар билгеләнүен ассызыклады.