Алабуга районы башлыгы сугышчыга хәрбиләр өчен квадрокоптер тапшырды

Алабуга муниципаль районы башлыгы Рөстәм Нуриев хәрбиләрнең тагын бер үтенечен үтәде. Отпускка кайткан сугышчыга квадрокоптер тапшырылды, ул аның подразделениесенә алгы сызыкта кирәк. 

Техниканы Алабуга ит-консерва комбинаты коллективы һәм «Благомир» хәйрия фонды ярдәме белән сатып алганнар. Рөстәм Нуриев җиһазларны үзе тапшырды һәм акча җыюда катнашучыларның барысына да рәхмәт белдерде. 

Бу Алабуга районының хәрбиләргә ярдәм күрсәтүенең беренче очрагы гына түгел. Җирле предприятиеләр һәм халык гуманитар ярдәм җыюда, сугышчылар өчен кирәк-яраклар һәм техника сатып алуда актив катнаша.