Алабуга районы Костенеево авылында башкарма комитетның яңа бинасы ачылды

Костенеево авыл җирлеге администрациясе кичә өй туен билгеләп үтте-алар яңа бинага күчтеләр.

Чарада «Татарстан Республикасы Муниципаль берәмлекләре Советы» Ассоциациясе рәисе Әгъзам Гобәйдуллин һәм район башлыгы Рөстәм Нуриев катнашты. Алар авыл халкын һәм җирлек башлыгын шундый яхшы бина белән тәбрикләде. 

Моңа кадәр авыл җирлеге башкарма комитетының үз бинасы булмаган. Авыл халкы сөйләгәнчә, элек ул урнашкан бина бөтенләй тузган — администрациягә вакытлыча авыл клубындагы, аннан соң мәктәптәге бүлмәләдә урнашырга туры килгән.