Алабуга районында яңа башкарма комитет бинасы, юллар һәм «МИР»

Кунак районның төрле өлкәләрдә тиз үсеш алуын билгеләп үтте. Җитәкче сүзләренчә, авыл хуҗалыгы трамагы буенча районда сизелерлек алга китү сизелә.

Әгъзам Саматович визитын Олы Качка авылында республика программасы буенча төзелгән яңа башкарма комитет бинасын ачудан башлады. Район башлыгы Рөстәм Нуриев ТР Рәисе Рөстәм Миңнехановка ярдәм өчен рәхмәт белдерде һәм лаеклы инфраструктура һәм эшкә урнашу мөмкинлеге булганда кешеләрнең шәһәрләрдән авылларга теләп күчүләрен ассызыклады.

Яңа башкарма комитет бинасында территорияләрне үстерү буенча җирлек башлыкларының киңәшмәсе узды.

Җирлек башлыгы Галина Праздникова республика, район җитәкчелегенә рәхмәт белдерде, соңгы биш елда авылда зур үзгәрешләр булуын билгеләп үтте: ФАП төзелде, күпер ремонтланды, юллар, тротуарлар төзелде, суүткәргеч яңартылды.

Авыл җирлеге башкарма комитеты җитәкчесе урынбасары Евгения Чувашова авыл Советының элек мәктәп һәм мәдәният йорты белән бергә 110 еллык бинада урнашуы турында сөйләде.

Аннары кунак районның алдынгы авыл хуҗалыгы предприятиеләренең берсендә — «МИР» җәмгыятендә булды, анда ферма эшчәнлеге белән танышты һәм Рөстәм Нуриев белән терлекчелекне үстерү перспективалары турында фикер алышты.