Алабуга районында сыйфатсыз хезмәт күрсәткән өчен идарәче компаниягә штрафка билгеләнгән

Алабуга районының «Домоуправ 3» идарәче компаниясе директорына күпфатирлы йортны карап тоту буенча 25 мең сум штраф билгеләнгән. Инспекторлар Лесная урамындагы 4 нче йортта яшәүченең шикаяте буенча Поспелово бистәсенә киттеләр, дип хәбәр итә Татарстан Торак инспекциясенең матбугат хезмәте. 

Тикшерү вакытында йортны тиешенчә карап тотмау фактлары расланды: керү ишекләре ябылмый, подъездларның стеналарын буярга, култыксаларны ремонтларга, йорт яны территориясен кардан һәм боздан, түбәсен боз сөңгеләреннән чистартырга кирәк. 

Поспелово бистәсендә 6 күпфатирлы йорт бар, һәм алар барысы да торак милекчеләре ширкәтенә керә. Әлеге идарәче компаниянең торак фондын ярты ел элек кенә мирас итеп алуы — йомшарта торган хәл түгел. Стеналар күптән искергән булса да, кар һәм боз — торакларны карап тотучылар гаебе.

Идарәче компания башлыгы Административ хокук бозулар турында РФ кодексының 14.1.3 статьясының 2 өлеше буенча административ җаваплылыкка тартыла, аңа штраф рәвешендә җәза билгеләнә.