Алабуга районы авылларында Яңа елга әзерләнәләр

Бу турыда җирле үзидарә органнары белән эшләү бүлеге башлыгы Евгений Кольцов сөйләде.

Мәсәлән, 25-28 декабрьләрдә авыл мәдәният йортларында бал-маскарадлар, уеннар, сәхнәләштерелгән күренешләр, үзешчәннәрнең концерт программалары үтәчәк. Яңа ел чараларына үзләре йөри алмаган ветераннар, инвалидлар, өлкән яшьтәгеләрне Кыш бабай һәм Кар Кызы өйләренә барып котлаячак. 

Җирлекләрдә яшәүчеләр арасында «Иң яхшы кар сыны», «Торак йортның иң яхшы бизәлеше» конкурслары оештырыла, анда җиңүчеләр акчалата бүләк алачак. 

Быел «Теләкләр чыршысы» хәйрия чарасын да уздыру каралган.