Алабуга районында язгы кыр эшләренә әзерлек тәмамлана

Алабуга районының авыл хуҗалыгы хезмәтчәннәре язгы кыр эшләренә әзерлекне тәмамлый.

"Яшь көч", "Яңа Юраш", "Морт" һәм "Нократ таңнары" агрофирмаларында авыл хуҗалыгы техникасы - 100 процентлы әзерлектә, дип хәбәр иттеләр районның авыл хуҗалыгы һәм азык-төлек идарәсендә.

Район буенча күрсәткечләргә килсәк, бүген районда тырмалау техникасы тулысынча әзер, чәчкечләр ремонтлау планы - 87 процентка, культиваторларныкы - 89 процентка, тракторларныкы 90 процентка үтәлгән. Бүгенге көндә артта баручы хуҗалыклар да бар. "Привольное" һәм "Сапфир" җәмгыятендә авыл хуҗалыгы техникасын ремонтлау эше начар оештырылган.