Алабуга районында 29 мең кеше коронавируска каршы прививка ясаткан

Узган тәүлектә Алабугада коронавируска каршы прививканың беренче компоненты белән 87 кеше прививка ясаткан, ә икенче компоненты белән — 13 кеше. 

Шулай итеп, вакцинаның беренче компонентын барлыгы 29 013 алабугалы, ә икенчесен 23 610 кеше ясаткан. 

Алабуга районында коронавируска каршы прививка ясату планы 54,59 процентка үтәлгән.

Безнең районда барлыгы 53 149 кешегә прививка ясатырга кирәк.