Алабуга районында җиңел машина КамАЗ белән бәрелешкән

25 апрельдә 06.30 сәгатьтә Алабуга районында М7 Идел автомобиль юлының 1012 нче чакрымында юл-транспорт һәлакәте булды. 

Уфа шәһәре ягыннан Мәскәү юнәлешендә хәрәкәт иткән 80 яшьлек Лада 219210 автомобиле йөртүчесе тизлекне арттыра һзм машина белән идарәне югалта. Шуннан соң каршы як полосага чыга һәм КамАЗ автомобиле белән бәрелешә.

Һәлакәт нәтиҗәсендә төрле дәрәҗәдәге яралар алган җиңел автомобиль пассажиры Алабуга үзәк хастаханәсенә китерелә.