Алабуга суд приставлары өч бурычлының автомобиленә арест салган

Рейд барышында Алабуга суд приставлары өч бурычлының автомобиленә арест салды. 

Закон бозучыларның берсе торак — коммуналь хуҗалык хезмәтләре өчен 42 мең сум бурычы, ЮХИДИ штрафлары, банкка түләүләре булган. Икенче ир-атнын 55 мең сум бурычы булган, ә өченчесе коммуналь хезмэтлэр очен түләмәгән һәм 53 мең сум күләмендә бурыч җыйган. 

«Өч транспорт чарасына арест салынды, эвакуатор ярдәмендә штраф-стоянкага урнаштырылды», — дип хәбәр итте Алабуга район суд приставлары бүлеге начальнигы урынбасары Алия Кадыйрова.