Алабуга укучысы Бөтенроссия олимпиадаларында җиңгән өчен 100 мең сум белән бүләкләнде

Шәһәр планеркасында Алабуга районы башлыгы «Адымнар-Алабуга» полилингваль белем бирү комплексының 10 А сыйныф укучысы Никита Макаровка олимпиадаларда югары уңышлары өчен бүләк тапшырды.

Укучыга илнең әйдәп баручы университетлары үткәргән Бөтенроссия олимпиадаларында уңышлы катнашкан һәм җиңгән өчен 100 мең сумлык сертификат бирелде. Бу уку йортлары арасында Россиянең беренче президенты Борис Ельцин исемендәге Урал федераль университеты, «Мәскәү инженер-физика институты» Милли тикшеренү атом-төш университеты, «Югары икътисад мәктәбе» Милли тикшеренү университеты һәм Мәскәү физика-техник институты бар.

Бүләкне тантаналы рәвештә район хакимияте вәкилләре катнашында планеркада тапшырдылар.