Алабуга урамында музыкант һәм гашыйклар фигуралары барлыкка килде

Алабугада Тынычлык проспектында топиарлар урнаштырылды.
Архитектура бүлегендә хәбәр итүләренчә, бу — ясалма яшеллек белән капланган металл конструкцияләре. Тавис (павлин) сынына чәчәкләр утыртачаклар. Фотога төшәргә теләүчеләр өчен фигуралар тирәсенә вак таш салачаклар.

Якын арада Тынычлык проспектында һәм Тынычлык проспекты — Гыйззәт урамы киселешендә чәчәкләр өчен металл конструкцияләр урнаштырылачак. Эш 1 июньгә кадәр тәмамланырга тиеш.