Алабуга ярына беренче 5 теплоход 2 майда киләчәк

2 майда Алабуга дәүләт музей-тыюлыгы теплоход сезонын ача — Алабуга ярына беренче 5 теплоход килә: М. Ростропович, А. Бенуа, Н. Некрасов, Северная сказка, В. Чкалов. Бу хакта музей-тыюлыкның матбугат хезмәтендә хәбәр иттеләр. 

Биш теплоходта 700 дән артык турист булыр дип көтелә. Алар «В их именах величие России» һәм «Цветаевская Елабуга» экскурсия маршрутлары буенча барачак. 

Узган ел музей-тыюлык 176 теплоход кабул иткән, быел план буенча — 177.