Алабуга үзәк район хастаханәсенә ветеран үзе язган китаплар бүләк итте

Рамил Рәфхәт улы Сәфәров Алабуга үзәк район хастаханәсенә бүләк иткән китаплар өчен Татарстан Республикасының мактаулы сәламәтлек саклау ветераны Габделбәр Галләм улы Галләмовка зур рәхмәт белдерә.

Габделбәр Галләмович әйтүенчә, ул яшьтән иҗатка тартылган. Мәктәп елларында шигырьләр язган. Совет Армиясендә хезмәт иткән вакытта аның мәкаләләре армия газетасында да басыла. Хезмәт эшчәнлеге барышында аның язмалары Татарстан Республикасында нәшер ителә торган район газеталарында һәм журналларында урын ала. 

Лаеклы ялга чыккач, Габделбәр Галләм улы медицина темасына китап һәм мәкаләләр яза башлый. Ул — «Җиңү хакына» дигән Хәтер китабы авторларының берсе һәм китапны бастыруга зур өлеш керткән өчен Татарстан Республикасы Министрлар Кабинетының Рәхмәт хаты белән бүләкләнгән.

Габделбәр Галләм улы безнең шәһәр хастаханәсендә 17 ел эшләгән.
1987 елдан Габделбәр Галләмович Алабуганың бала табу йортының баш табибы вазифасын башкара. 1994 елдан һәм лаеклы ялга чыкканчы ул авыруларны дәвалау белән шөгыльләнә һәм халыкка медицина ярдәмен оештыру буенча баш табиб урынбасары булып эшли. 

Габделбәр Галләм улы 146 мәкалә һәм 8 китап язган һәм ирешелгәннәрдә тукталып калырга җыенмый. Аның ярдәме белән Алабуга хастаханәсендәге китапханә «Азбука здоровья», «Исповедь врача», «Һәркемнең үз язмышы» дигән өч кыйммәтле китап белән тулыланды.