Алабугада 21 балага коронавирустан прививка ясалган

Алабугада 21 балага коронавирустан прививка ясалды. Кичә 8 яшүсмер прививка ясаткан булса, 2 февральдә — 13 яшүсмер. Вакцинация балалар поликлиникасының прививка кабинетында уза. Башта балаларны педиатр тикшерә. 

Хроник авыруларның кискенләшүе, йогышлы авырулар, югары температура, косу, диарея һәм элекке прививкаларга аллергик реакция булган очракта вакцинация ясарга ярамый. 

Исегезгә төшерәбез, Алабуга район үзәк хастаханәсенә коронавируска каршы ике компонентлы «Гам-КОВИД-Вак М» («Спутник М») вакцинасының 100 дозасы кайткан иде.