Алабугада Әфганстаннан гаскәрләрне чыгаруга 36 ел тулуга багышланган митинг узды

15 февраль Россиядә сугышчы-интернационалистларны искә алу көне дип игълан ителде. Быел Совет гаскәрләрен Әфганстан Демократик Республикасыннан чыгаруның 36 еллыгы билгеләп үтелә.

Ел саен Алабугада әлеге датага багышланган митинг уза. Бүген шәһәр халкы Сугыш хәрәкәтләре ветераннары мемориалы янына һәлак булган сугышчыларны искә алу һәм чәчәкләр салу өчен җыелды. 

Митингка килгән алабугалыларны Алабуга муниципаль районы башлыгы Рөстәм Нуриев сәламләде. Үзенең чыгышында ул бу датаның һәм моннан 36 ел элек булган вакыйгаларның мөһимлеген тагын бер кат ассызыклады. 

Мәртәбәле кунаклар арасында шулай ук Хәрби хәрәкәтләр ветераннары советы рәисе Михаил Семенов, ветераннар советы рәисе Геннадий Баганов һәм Алабуга шәһәре хәрби комиссары Николай Битюков та бар иде.

Җыелучылар алдында яшь буын вәкиле — Юрий Гагарин исемендәге кубокка җәмгыять белеме буенча республика олимпиадасында күп тапкырлар призер булган, 8 нче урта мәктәпнең 10А сыйныфы укучысы Данил Шабалин чыгыш ясады.

Митинг гомуми истәлекле фотога төшү белән тәмамланды.