Алабугада авыл хуҗалыгы ярминкәләре 13 сентябрьдә башлана

Алабугада авыл хуҗалыгы ярминкәләре 13 сентябрьдә башлана. Традиция буенча алар 4 микрорайонда, «Мираж» сәүдә үзәге каршындагы территориядә узачак. Алабуга районы башкарма комитетының сәүдә секторында хәбәр итүләренчә, ярминкәләр шимбә көннәрендә 9:00 дән 15:00 гә кадәр 28 декабрьгә кадәр эшләячәк.

Халык яшелчә, ит һәм сөт продукциясе, кош-корт, җиләк-җимеш һәм башка товарларны турыдан-туры җирле фермерлардан һәм авыл хуҗалыгы җитештерүчеләреннән сатып ала алачак.