Алабугада барлык мәктәпләрне махсус видеокүзәтү системасы белән җиһазларга җыеналар

Аны калган 7 мәктәпкә урнаштыру шәһәр бюджетына 2 миллион 250 мең сумга төшәчәк. "Урнаштыру чыгымнарын шәһәр күтәрә, әмма SMS хәбәр өчен әти-әниләргә түләргә туры киләчәк. Бу хезмәт айга 50 сум тора", - ди шәһәр башлыгы Геннадий Емельянов. Алабугада күптән түгел булган куркыныч җинаятьтән зыян күргән кыз укыган 4 нче гимназиядә дә әлеге система урнаштырылган булган. Әмма балаларның әти-әниләре хәбәр җибәреп тору хезмәтеннән баш тарткан.