Алабугада Бөтенроссия сукырлар җәмгыятенең 100 еллыгын тантаналы чара белән билгеләп үттеләр

Бүген «Алабуга УкупрПласт» предприятиесе клубында Бөтенроссия сукырлар җәмгыятенең бер гасырлык юбилеена багышланган бәйрәм чарасы узды.

Бәйрәм программасына тантаналы котлаулар һәм сәламләү сүзләре, иҗади номерлар белән концерт, оешманың актив катнашучыларын һәм партнерларын бүләкләү кертелгән иде.

Бөтенроссия сукырлар җәмгыятенең Алабуга бүлекчәсе рәисе Мөнип Гасимов үз чыгышында җәмгыятьнең шәһәр һәм райондагы эшчәнлеге турында сөйләде, күрү сәләте начар булган кешеләргә социаль ярдәм күрсәтүнең мөһимлеген билгеләп үтте. Шулай ук бәйрәм белән «Алабуга УкупрПласт» җитештерү заводы директоры Александр Величко котлады.

Оешманың партнерларына аерым игътибар бирелде. «Новая Кама» һәм «Алабуга нуры» газеталары редакцияләренең эше Рәхмәт хаты белән билгеләп үтелде. 

Чара Бөтенроссия сукырлар җәмгыятенең Алабуга бүлеге әгъзаларына истәлекле медальләр тапшыру белән тәмамланды.

Бу юбилей җәмгыятьнең бер гасырлык тарихын искә төшерү өчен сәбәп булудан тыш, начар күрүче кешеләрнең тормышын көн саен уңайлырак һәм тулырак итәргә ярдәм итүчеләрне билгеләп үтү мөмкинлеге дә булды.

Тулырак материалны «Новая Кама» газетасының җомга санында укыгыз.