Алабугада буран чыгуы ихтимал

Татарстан синоптиклары фаразына караганда, бүген республикада аязучан болытлы һава көтелә. Вакыты белән кар явачак, урыны белән буран чыгу ихтималы бар.

Төнлә Татарстанда һава температурасы - 7дән 12, аязган вакытта 15 градуска кадәр салкын булуы көтелә. Көндез 5-12 градус салкын булачак. Республиканың көньяк-көнбатышында иң салкын һава торышы фаразлана. Казанда һава температурасы төнлә - 9-11, аязган вакытта 12-14 градус салкын булачак. Синоптиклар көндез 6-8 градус салкын булыр дип хәбәр итә.

24 октябрьгә каршы төндә республикада аязучан болытлы һава булачак, күпчелек районнарда кар яву ихтималы бар. Термометр баганалары - 11, аязган вакытта 14 градус салкынны күрсәтәчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

"Татар-информ" МА