Алабугада быел чәчәкләрне гадәти булмаган кашполарда утыртачаклар

Быел шәһәрдә чәчәкләрне ачык грунтта түгел, ә кашпода утырту планлаштырыла. Бу очракта аларны карау һәм су сибү җиңелрәк булачак.

Кашполар төрле формадагы металл конструкцияләргә урнаштырылачак. Алар дуга һәм музыка уен кораллары рәвешендә башкарылган. 

Территориаль планлаштыру секторы мөдире Наталья Кондратенко сүзләренә караганда, бүгенге көндә, 58нең 56сы әзер. 

15 апрельгә бу эшне тәмамлау планлаштырыла. Район башлыгы Рөстәм Нуриев билгеләп үткәнчә, ел саен шәһәр үсә һәм аның урамнарын бизәргә кирәк.