Алабугада чәршәмбе өмәсе үтте

Өмәдә катнашучылар мәйданда калган карны тараттылар, чүп-чар, узган елгы үләнне җыйдылар.

Алабугада шәһәрне чистарту буенча санитар-экологик икеайлык бара. Аның кысаларында предприятие хезмәткәрләре һәм анда яшәүчеләр урамда һәм үзләренә беркетелгән территорияләрдә тәртип урнаштырачаклар.

Бүген җыештыруга 2нче мәктәп һәм 2нче гимназия укучылары һәм педагоглары чыкты. Аларга район җитәкчелеге, шул исәптән район башлыгы Рөстәм Нуриев та кушылды. Өмәдә катнашучылар мәйданда калган карны тараттылар, чүп-чар, узган елгы үләнне җыйдылар.

Укучылар үзләре билгеләп үткәнчә, аларга үзләре яшәгән шәһәрдә тәртип урнаштыру авыр түгел. Алар Ленин мәйданында күп вакытларын үткәрәләр, көн саен аның аша мәктәпкә йөриләр, анда чиста булсын иде, дигән теләк белдерделәр.