Алабугада Яңа ел бәйрәмендә Фирдүс Тямаев чыгыш ясаячак

Яңа ел алдыннан шәһәрдә, гадәттәгечә, бик күп бәйрәм чаралары үтәчәк. Бу — чыршы бәйрәмнәре, чаңгы трассасын, тауларны, шугалакларны ачу һәм Яңа ел тамашалары. Гомумшәһәр Чыршы бәйрәме 31 декабрьдә «Гуляй парк» та 18:00 дән 21:00 гә кадәр булачак.

Бәйрәм программасында муниципаль конкурсларда җиңүчеләрне бүләкләү, шәһәрнең иҗат коллективлары һәм ТР атказанган артисты чыгышы планлаштырылган. Яңа ел сәхнәсендә Фирдүс Тямаев концерт программасын тәкъдим итәчәк.