Алабугада Яңа ел чаралары афишасы

Алабуга халкы һәм кунаклары өчен төп бәйрәм чаралары планын район башкарма комитеты җитәкчесенең социаль мәсьәләләр буенча урынбасары Елена Мерзон тәкъдим итте.

«Безнең төп идеябез гади: күбрәк хәрәкәт һәм саф һава! Урамда йөрегез, уйнагыз, күңел ачыгыз. Һәм, әлбәттә, һава торышына карап киенегез», — дип ассызыклады ул.

Төп мәйдан: «Яшьләр» стадионы

Быел кышкы ялның үзәк урыны «Яшьләр» стадионы булачак. Бу көннәрдә стадионда уңайлы һәм матур мәйдан булдырыла, ул алабугалыларга һичшиксез ошаячак.

Биредә булачак:
30×60 метр (1800 квадрат метр) зурлыктагы, берьюлы 700 кешене сыйдыра ала торган иң зур шугалак. Боз өстенә Яңа ел чыршысы урнаштырылачак.
Актив ял итү зонасы: кабартылган тау, кышкы карусель, чаңгы трассасы, «бананнарда» шуу, тир, тюбинглар өчен юл.

Инфраструктура: җәмәгать туклануы һәм сәүдә нокталары, инвентарь прокаты (тимераяклар, чаңгы, тюбинглар, кар машиналары, квадроцикллар, мотосноубордлар).

Бәйрәм бизәлеше һәм яктырту чаралары инде куелып беткән диярлек. 21 декабрьдән шугалак ачыла, ә 23 декабрьдән мәйданчык тулы күләмдә эшли башлаячак (көн саен 10:00 дән 22:00 гә кадәр, 1 гыйнварны да кертеп).

Башка төп мәйданчыклар

Шәһәр пляжы. Биредә шулай ук шугалак (20×25 метр) ачылачак, 5 метрлы агач тау төзеләчәк һәм кафе эшләячәк. Әзерлек — 23 декабрьгә көтелә (эш режимы 10:00-22:00).

Мәрҗани урамы, 28/30 — ишегалды. 22 декабрьдә 16:00 сәгатьтә бәйрәм программасы, уеннар һәм спорт мәйданчыклары белән Чыршыны ачу тантанасы булачак.

«Гуляй» паркы. 22 декабрьдән 11 гыйнварга кадәр (15:00дән 21:00гә кадәр) «Кыш Бабай резиденциясе» эшләячәк (проект «Татнефть» җәмгыяте ярдәмендә гамәлгә ашырыла).

«Өй янындагы бакча» скверы һәм «Чебурашка» паркы.

27-31 декабрьдә һәм 3-11 гыйнварда көн саен 12:00дән 14:00гә кадәр уен мәйданчыклары оештырылачак.

«Чебурашка» паркы. 27 декабрьдә 12:00 сәгатьтә «Елка-фест» күңел ачу программасы (җиңүче «Курше» проекты кысаларында) булачак. 31 декабрьдән 7 гыйнварга кадәр — понида йөрү («Татнефть» ярдәме белән). 6 гыйнварда 15:00 — Раштуа бәйрәме.

«Яшьләр» стадионында төп вакыйгалар:

23 декабрь, 16:00-19:00 — Үзәк шәһәр чыршысын тантаналы ачу.
31 декабрь — төп Яңа ел программасы:
18:00 — бәйрәм концерты, бүләкләүләр, уеннар, район башлыгы котлавы.
20:00 — «Лёд и пламя» утлы шоу белән уникаль боз тамашасы (ачык боз мәйданчыгында беренче тапкыр).
6 гыйнвар — Раштуа бәйрәме.
13 гыйнвар, 17:00 — «Иске Яңа ел» йомгаклау программасы.

Спорт һәм актив ял:

Шугалаклар: шәһәрдә һәм авылларда (Танайка, Хлыстово) 11 ачык боз мәйданчыгы эшләячәк. Шуу өчен 250 пар тимераяк әзерләнгән. Боз сарае бәйрәмнәрдә, 1 гыйнварны да кертеп, көн саен (дүшәмбедән тыш) эшләячәк.

Чаңгы трассалары: Шишкин буаларында һәм Танайка урманында ачылуга әзерләнәләр. Чаңгы шуу ипподромда һәм «Яшьләр» стадионында оештырылган.

Спорт чаралары: декабрь-гыйнвар айларында спорт учреждениеләрендә турнирлар һәм ярышларның бай программасы планлаштырылган.

Мәдәни программа һәм балалар белән эшләү:

Музей-ядкарьлектә һәм «Йолдызлык» мәдәни үсеш үзәгендә төрле тематик программалар әзерләнгән.
27 декабрь, 12:00 — Боз сараенда фигуралы шуу мәктәбеннән боз тамашасы.

Традицион Яңа ел бәйгеләре: учреждениеләрне, предприятиеләрне, йортларны иң яхшы бизәүгә; «Минем йорт хайваны — суперйолдыз». Катнашырга чакырабыз.

«Этно-Чыршы»: «Кама» укыту театры каршындагы мәйданда ачылачак (Алабуга мәдәният һәм сәнгать көллияте инициативасы).

Авыл җирлекләрендәге чаралар:

25-31 декабрьдә — Мәдәният йортларында Яңа ел тамашалары.
2-12 гыйнвар көннәрендә — уен мәйданчыклары, мастер-класслар, дискотекалар.
13 гыйнвар — Иске Яңа елны бәйрәм итү.

Авыл мәктәпләрендә дә бәйрәмнәр булачак, ә каникулларда түгәрәкләр, спорт заллары эшчәнлеге һәм саф һавада активлыклар оештырыла.

Социаль ярдәм һәм балаларга игътибар:

Муниципаль бюджет хисабыннан яңа ел бүләкләрен күп балалы, тәрбиягә алган гаиләләрдән 2000гә якын бала, инвалид балалар, МХОда катнашучыларның балалары һәм башка категорияләр алачак.

МХОда катнашучыларның барлык балалары да ТР Рәисеннән өстәмә бүләкләр алачак. Традиция буенча «Нәфис» хәйрия фонды һәлак булган хәрбиләрнең балаларына ярдәм итәчәк.

58 күп балалы гаиләгә Дәүләт Думасы депутаты Илья Вольфсоннан азык-төлек җыелмалары биреләчәк.

Сәүдә һәм ярминкәләр:

20 һәм 27 декабрь, 14:00 — «Мираж» сәүдә үзәгендә Яңа ел алды ярминкәсе.