Алабугада яңгыр канализациясен чистарту эше дәвам итәчәк

Алабуга районы башлыгы Рөстәм Нуриев үзенең Телеграм-каналында быел яңгыр канализациясен чистарту эше дәвам итәчәген хәбәр итте. 2,3 километр челтәрне тикшерергә һәм норматив хәлгә китерергә кирәк: Тынычлык проспектында, Таҗи Гыйззәт, Интернациональ, Нечаев урамнарында.

Яңгыр суларын чистарту буенча эш 2023 елда башланган иде. Безнең район «2023 елга ТРда коммуналь инфраструктура системаларын модернизацияләү» төбәк программасына эләгә алды.